Kahani -Satyam Shivam Sundaram

Ek kisan ki patni teen betian uski godi me chhod kar mar gai.Teeno betion ka naam Satyam,Shivam or Sondarya thha.Kisan ne bade pyar ke saath teeno betion ko bada kia.Vah teeno betion ki shadi karna chahta tha lekin uske paas shadi ke lie paise nahin they.Vah bhagvaan se roz sahayta ke lie prarthna karta tha.Ek din subah bhagvaan ne uske sapne me aa kar kaha -koi bhi tumhari beti se shadi karna chahe to mana kar dena ,kyonki tumhara damad rajya ka rajkumar hoga.Satya bahut gyani thhi,Shiva bahut shakti shali thhi,Sondarya bahut sunder thhi.Ek sainik ki nazar Sondarya par padi,Vah kisan ke ghar aaya or uski beti Sondarya se shadi karne ki ichha prakat ki.Kisan ne mana kar diya .Sainik ko bahut gussa aaya.Sainik ne kaha- budhe kisan ,mai tumhe maar dunga agar tumne mana kia.Kisan ne kaha mujhe shadi ki tyari ke lie do din ka samay do.Sainik ne kaha -mai do din baad tumhre ghar aaonga or vah chala gya.Kisan apni teeno betion ko le kar raja ke darbaar me nyay mangne gyaa.Kisan ne sainik ki shikayat raja ke darbaar me ki.
Raja van bhraman par gya thha uski jagah rajkumar  rajya ka karyabhar sambhal raha thha.Rajkumar ne jab Sondarya ko dekha to vah us par mohit ho gya.Usne kisan se puchha tum apni beti ki shadi kis se karna chahte ho.Kisan ne kaha "Mai apni beti ki shadi usse karna chahta hoon jo meri baki dono betion ki shadi bhi achhe ladkon se karva de.Mere paas unki shadi ke lie paise nahi hain.Rajkumar ne Satyam  or Shivam ki shadi ki jimedaari le kar Sondarya se shadi ki.Kisaan ne bhagvan  ka dhanyavad kia or apni dono betion ko khushi khushi vida kia.

Krishna conciousness

Krishna ji ki sharan me sukhi rah sakte hain.ye sansaar dukh swaroop hai. Bhagvaav Krishna hi pahle dusre devtaon ke paas le jate hain,taki hum echhaon ki purti kar saken.Vohi allow karte hain ki jao apni budhi ke ghodey doda lo sukhi rahne ke lie.Jab insaan har taraf koshish kar ke thak jata hai tabhi bhagvaan apnate hain.

Be happy

Listen- Give Gita -in you tube

Guru gatha

Gyan daan

Shri Krishn ne gita me gyan daan kia.Gyan daan se hi manushya samaj unnat ho sakta hai.Agyanta bhi kafi had tak manushya ke kasht ka karan hai.Chhoti umra me bachey rote hain khillone ke lie ,badi umr me rote hain paise ke lie ya job ke lie.Koi rota hai prem ke lie or koi rota hai samman ke lie.Is baat se samjhie ki kisi ko isliye maar dia jaata hai kyunki uske paas kaphi paisa tha ,jo paisa sukh prapt karne ke lie tha uski vajah se uski mrityu ho gai .To aisa to nahi kaha ja sakta ki paisa sukh hi dega.Keval bhagvaan ki kripa hi sukh de sakti hai or kisi vastu mai sukh dene ki shramta nahi hai .Bhagvaan ki kripa prapt kaise karen ...Gita me bhagvaan ki no prakar ki bhakti kahi hai ,sbse asaan hai unke koi bhi naam ka jap. chalte ,utthtey baittey jub bhi ban padey.

Kahani-Tumhari khushi

To tum chahte ho tumhari khushi ke lie mai apna jeevan kurbaan kar doon. To tumhe lagta hai tumhari khushi hi jyada jaroori hai,kabhi tumhare parents ki khushi ,kabhi tumhare relatives ki khushi,kabhi tumhare friends ki khushi,or meri khushi ka kya?Bus bahut hua, ab mai sirf apni khushi ke bare me sochungi.Kya tum jante bhi ho mai dusron ko raji karte karte thak chuki hun."Sneha ,agar shadi par jaana jaroori nahi hota to mai nahi kahta" Mayank ne samjhaya.
Sneha -"Jana jaroori hai to jao ,koi bahana bana dena mere bare mei."
Mayank-"Social service samajh kar hi chalo at least."
Sneha-"Social service apni marzi se ki jati hai, dusron ki marzi se nahi".Mayank-"Mai bhi kahan jana chahta hun,bus isliye jata hun ki hamari beti shadi mei koun aaega agar hum nahi jayege to."
Sneha -" Kal kisne dekha hai,Kal ke lie aaj ko kharab karna ,mujhey samjh nahi aata."
Mayank-"Aaj me jio,mai khud hi kahta to hoo lekin mera dhyan kal me hi
rahta hai.Kash meri soch bhi tumhare jaisi hoti".
Sneha-"Bade aaram se bol rahe ho, tumhe gussa nahi aaya ,hamesha ki tarah."
Mayank-"Tumeh  naraz karke mai bhi khush to at least nahi rah pata"
Sneha-"Mai tumhe ek buri aatma samajhne lagi thi."
Mayank-"Vo to kher mai hun,mujhey lagta bahut taklif di hai tumhen ab tumhe tumhare hak ki khushi dena chahta hun.Mai Meenal se shadi karna chahta hun.Mujhey abhi jeevan se bahut kuchh chahiy."

Puneyatma papatma

Punyatma or papatma isi dhara par hain.Prabhu kripa se hi hum kisi atma se milte hain.Hamare paap hi hamey papy atmaon se milate hain.Lalach kaam krodh hamey paapy ki sharan me le kar jaate hain.Yadi hum paap or papy se door rahna chahtey hain to kaam krodh lobh moh ahankaar se door rahen or bhagvan ko kisi bhi naam se yaad rakhen, man me shanti ka samrajye hoga.Jisne kam ,krodh lobh moh ahankaar naam ki garam salakhon ko pakad rakha vo sukhi ya shant kaise ho sakta hai.